लोकसहभागातून शहापूर शाळा डिजिटल

शिक्षकांच्या परिश्रमांना यश 

शिर्डी लाईव्ह(प्रतिनिधी):-        

                                कोपरगाव तालुक्यातील जिल्हा परिषदेच्या शहापूर शाळेने लोकसहभागातून शाळेतील सर्व वर्ग डिजिटल केले आहेत. गावातील पालकांच्या सहकार्याने ५४ हजार एवढी लोकवर्गणी जमा करून त्यातून शाळेस प्रोजेक्टर, एल इ डी घेतला. लोकसहभागासाठी शाळेतील मुख्याध्यापक श्री सैंदाने सर व सोनवणे मॅडम यांनी अथक परिश्रम घेतले. तसेच शाळा व्यवस्थापन समितीचे अध्यक्ष श्री. राहुल घारे यांनीही सहकार्य केले.

                                वर्ग डिजिटल केल्याने ग्रामीण भागातील विद्यार्थीही इंग्रजी माध्यमाच्या शाळांतील विद्यार्थ्यांसारखे शिक्षण घेऊ शकतात. व विद्यार्थ्यांना दृक श्राव्य शिक्षण दिल्याने त्यांच्या आंतरिक कलागुणांना मोठी चालना मिळणार आहे.

                                 सरपंच श्री दिपक खंडीझोड यांनी शिक्षकांचे खूप खूप आभार मानले. शाळा डिजिटल केल्याने केंद्र प्रमुख श्री ढेपले साहेब यांनी शाळेच्या शिक्षकांचे कौतुक केले. सदर कार्यक्रमासाठी गटशिक्षणाधिकारी श्रीमती शबाना शेख मॅडम यांचे मार्गदर्शन लाभले.